XX гасыр башындагы татар-мөселман җəмгыятенең иң мөһим мəсьəлəлəрен аңлатып бирүче əлеге китап, гомумəн, күренекле фикер иясе М. Бигиев игътибарындагы барлык мəсьəлəлəрнең дə үзенчəлекле киселешен гəүдəлəндерə. Китап татар халкының гаять зур көчкə ия булган милли-мəдəни яңарышы чорында язылган. Нəкъ менə шул шартлар əлеге хезмəтнең эчтəлеген һəм жанр үзенчəлеген билгелəгəн: алдыбызда — гадəти, илаһийәт гыйлеме өлкəсендəге дини эчтəлекле əсəр түгел, ə татар мөселман җəмгыяте алдында торган, автор күзлегеннән караганда, иң мөһим саналган, иҗтимагый, мəдəни, дини һəм əхлакый мəсьəлəлəрне кузгаткан публицистика жанрындагы мəкалəлəр җыентыгы.